مجلة نبرة قلم الأدبية

 قلبى .... إرحموه *****************

الشاعر..شريف ابو عيسى..

    كان ليا خاطر عندكم  .............من فضلكم بس إسمعوه

    أنا لسه بادى ف حبكم .......... وغريب وخايف تانى أتوه

    أصل إلى شوفناه قبلكم ........ خلانا نصرخ آه ياهووووو

    فى الاوله حب وهيام ............. وكلام كتير قوى رددوه

    والقلب نام على ريش نعام ........ و بعز ليل جوم قوموه

    وخدوه بعيد وف سكه عتمه ....... بغدرهم راحوا وفاتوه

    لاهو دارى إمتى وليه خدوه .. ولا ليه بقسوه هناك فاتوه

    لو كان له ماضى ما خال عليه .. ولا قدروا لحظه يعذبوه

    كان خيرى ياما وجودت بيه .. كان بين إيديا كتير خدوه

    وف لحظه جاروا ما خللوا فيه .. واللى أتفقنا عليه نسوه

    لا سابولى شيء اتقوى بيه ..... ولا رضيوا حقى يرجعوه

    وإن قلت مالى واولى بيه ............ بيقولوا ساذج علموه

    من حقهم ونلوم بإيه ........ ما انا قلب طيب وأصطادوه